Jańalyqtar
2019-08-29

Erlan Aıtahanov «Shymkent» ÁKK-niń jumysymen tanysty

Tolyq aqparat


Shymkent qalasynyń ákimi Erlan Aıtahanov «Shymkent» áleýmettik-kásipkerlik korporacııasy»UK» AQ ujymymen kezdesti. ⠀
Kezdesý barysynda uzaq merzimdi áleýmettik mańyzy bar jobalardy iske asyrý arqyly ınvestorlardy tartý, jumys oryndaryn qurý, halyqtyń ómir súrý sapasyn jaqsartý máseleleri talqylandy. Qazaqstan boıynsha uzaq merzimdi kezeńge arnalǵan áleýmettik máselelerdi sheshý ÁKK-niń jumysynyń basty basymdyǵy bolýǵa tıis.

Budan bólek, «Avtobýs parkin jańartý», «Shymkent sıtı» jáne «7-20-25» baǵdarlamasy boıynsha turǵyn úıler salý, áleýmettik nysandar qurylys jobasyn sátti júzege asyrýdyń joldary men máseleleri qarastyryldy.

Óz kezinde qala ákimi E. Aıtahanov shaǵyn jáne orta bıznesti damytý qalanyń ortalyq bólikterimen ǵana shektelip qalmaı, shalǵaıdaǵy eldimekenderdi de qamtýy kerek ekenin atap ótti. ⠀
Áleýmettik kásipkerlik korporacııasynyń búgingi tańdaǵy negizgi basym aspektisi ınvestorlar úshin qolaıly orta qurý jáne jańa áleýmettik mańyzy bar jobalardy iske asyrý úshin áleýetti ınvestorlardy izdestirý bolyp tabylady.

Jobalyq keńse ınstıtýtyn engizý - bul ýaqyt talaby ekenine toqtalǵan qala basshysy, bul jobalardy sapaly oryndaýǵa múmkindik beretinin atap ótti. Qazirgi ýaqytta «Shymkent» ÁKK» AQ jobalyq basqarýǵa ótti, onyń artyqshylyqtary joba men mindetterdi basqarý, mobıldi keńse jáne jobaǵa baǵdarlanýshylyq bolyp tabylady. ⠀
Kezdesý sońynda qala ákimi tıisti salalyq basqarmaǵa korporacııamen birlesip júzege asyrylatyn jobalarǵa baqylaýdy kúsheıtýdi aıtty.