Мемлекет басшысы Қ.Тоқаевтың сайлау алды бағдарламасында 2029 жылға дейін тозығы жеткен 1500 тұрғын үйді бұзып, орнына көп пәтерлі тұрғын үйлердің құрылысын салу және оны үй иелеріне жаңа пәтерлерді табыстау тапсырылған. Осыған орай Шымкент қаласындағы тұрғын үй қорын реновациялау бағдарламасы енгізілген.

Реновация бағдарламасы -ескі тұрғын үйдің орнына жаңа тұрғын үй салу. Шымкентте 2 мыңнан астам көппәтерлі тұрғын үй бар, оның 70%-дан астамы-кеңес заманынан бері жұмыс істеп келе жатқан тұрғын үйлер. Қала бойынша 134 тұрғын үй бар. Тұрғын үйді бұзбас бұрын тұрғындардың келісімі міндетті түрде алынады. Тұрғын үй тұрғындардың толық келісімін алған кезде ғана бұзылады.

Қазіргі уақытта Шымкент қаласы әкімдігінің басшылығымен ескі үйлерді жаңарту бағдарламасы басталды. Осы бағдарлама аясында Шымкент қаласы бойынша Безделев көшесі, 72а, Безделев көшесі, 111, Төле би 37 және Жылқышиев көшесі, 28 мекенжайы бойынша тұрғын үйлердің құрылыс-монтаждау жұмыстары жүргізілуде. Айта кету керек, бұл жоба Шымкент ӘКК сүйемелдеуімен жүзеге асырылады және оны инвестордың есебінен толығымен қаржыландырады.