Құрметті Шымкент қаласының тұрғындары мен қонақтары!

2022 жылдың 26-28 қыркүйек күндері аралығында Шымкент қаласы әкімдігінің ұйымдастыруымен «Көрме орталығында» «ШЫМКЕНТ ӨНІМДЕРІ-2022» атты тауар өндірушілер көрмесі өтеді.

Көрменің басты мақсаты – жергілікті тауар өндірушілердің өнімдерімен кеңінен таныстыру, жаңа серіктестер іздеу және өзара тиімді келісімдер жасау.

Көрмеге: тоқыма, фармацевтика, машина жасау, жиһаз, химия, тамақ өнеркәсібі және құрылыс индустриясы кәсіпорындарының өнімдері қойылады.

Көрмеге әлеуетті тұтынушылар: мердігер құрылыс компаниялар және жобалау ұйымдары, қонақ үй және мейрамхана бизнесінің өкілдері, сауда және дистрибьюторлық компаниялар, жергілікті атқарушы органдар мен олардың ведомстволық бағынысты ұйымдары шақырылды.

Көрмеге қатысып, отандық өнімдерді өндірушінің бағасымен сатып алу мүмкіндік жіберіп алмаңыз, олар: – макарон және кондитерлік өнімдер; – алкогольсіз сусындар; – кілемдер мен кілем бұйымдары; – тігін-шұлық бұйымдары және төсек-орын жабдықтары; – үйге және кеңсеге арналған жиһаздар; – құрылыс материалдары және фармацевтикалық бұйымдар.

Маңызды оқиғаны жіберіп алмаңыз!

26-28 қыркүйек. Шымкент қаласы, «Көрме орталығы».