“Достар, жақында біз еліміздегі алғашқы балалар бизнес жәрмеңкесін өткіздік, онда 70-ке жуық бала өз тауарларын 225,000 теңгеге сата алды. Жәрмеңкеге қатысушылар мен оған бара алмаған тұрғындар осындай іс-шараларды жиі өткізуге тілек білдірді. Біз әлеуметтік бастамаларды қолдайтын корпорация ретінде оларды қолдауға шешім қабылдадық. Келесі жәрмеңке балаларды қорғау Күніне орайластырылады. Біз жас кәсіпкерлерге арналған тегін бизнес-тренинг өткізіп қана қоймай, тегін сауда алаңдарын да ұсынамыз. Мен өзім осындай жәрмеңкелердің басқа елдерде қалай өтіп жатқанын көрдім және оларға қатысу балалардың ұйымдастырушылық қабілетін, көшбасшылық қасиеттері мен тіл тапқыштығын жақсарта отырып, жас ұрпаққа қалай әсер ететінін білемін”.