Стратегиялық даму және жаңа серіктестіктерді іздеу шеңберінде 2024 жылғы 24 сәуірде “Shymkent “Әлеуметтік-кәсіпкерлік корпорациясы” АҚ Қытайдың бес жетекші компаниясының өкілдерімен кездесу өткізді. Кездесу сауда-инвестициялық мүмкіндіктерді зерделеу және тараптар арасындағы ынтымақтастықтың әлеуетін талқылау үшін ұйымдастырылды. Өндіріс, сауда, көлік және инфрақұрылымды қоса алғанда, экономиканың әртүрлі салаларына қатысты мәселелер талқыланды.

Келіссөздер жоғары деңгейде өтті, сындарлы диалог пен өзара түсіністікпен ерекшеленді. Екі тарап өңірге одан әрі ынтымақтастыққа және белсенді инвестицияларға дайын екендіктерін білдірді. Кездесу барысында өзара тиімділікке және Шымкент пен Қытай арасындағы экономикалық байланыстардың күшеюіне әкелетін ынтымақтастықтың перспективалық бағыттары айқындалды.

Кездесу нәтижесінде серіктестік қатынастарды дамытуға және бірлескен жобаларды іске асыруға бағытталған келесі қадамдар белгіленді. Екі тарап серіктестіктің табысты дамуына сенім білдірді және ортақ мақсаттарға жету үшін сындарлы диалогты жалғастыруды жоспарлап отыр.